|
 Уладзімір Гайдук
* * *
Шчаслівым буду –
Калі натруджаны
І ў знямозе
Праменьчыкам душы
Валошку пацалую
Запаліць свечку
Маці – Беларусь
Штодзённа ж трэба
Крыж свой цяжкі здужаць
“У імя Айца і Сына Неба
і Святога Духа…”
На інквізітараў кастры
Лірычных вершаў строфы
Прамінанне
Вып’ю чарку віна
Як ты са мною вып’еш
Атрутаю мне ягоная свежасць
Ты ў радасці затрыумфуеш і праклён на мяне кінеш
Бязлітаснай сястры
Ногі слязьмі абмыю
На разыходнай дарозе затрымаюся
З чыстым сэрцам
Я – старая жабрачка з кіем у руцэ
Вазьму ў вузялок жменю роднай зямлі
Пайду шукаць сваю смерць
Спакон вечны
О сястра злосная і злая
Імем маім запішаш сляды пакаленняў
Жывыя старонкі галінку аліўкавую нясуць
Мне сорамна глядзець у вочы тваім прыхільнікам
Аставайся ў краіне жыцця
Мой час – тваім часам
* * *
Што мне птушак голас звонкі,
Як няма маёй сяброўкі,
Яе пышных валасоў
І вачэй з адценнем сінім.
Без яе не варта слоў
На паперу ў спешцы кідаць.
Так хацеў бы без канца
Стан яе ў руках трымаць,
Яе губы цалаваць
Да знямогі, ап’янення…
Аж упала б галава
З сэрцам звонкім і глухая…
Ах, кахання страсць ліхая.
Валошка
Як сімвал, валошка
У жыце цвіце, –
Задуманы хлопец
Мяжою ідзе.
Чаму ж не нарваў
На букет для Марыны?
Відаць, шкадаваў
Пялёсткаў нявінных…
Відаць, шкадаваў
Далікатных пялёсткаў,
Каб вечна цвіла
Сінявокай валошка.
Вякі прамінулі –
Валошка цвіце.
Самотны зноў хлопец
Мяжою ідзе.
Чароўная ружа
Цябе ўжо няма ў жывых
Чароўная ружа
Згасла беспаваротна
Пакінула назаўжды
Шчымлівы боль у маім сэрцы
Лёс усё ж дазволіў
Скласці мне верш
З яе калючак –
Думкі жывыя
Згушчаецца вакол прастора
Маўчаць дрэвы
Знямелая зямля
Адчуваю дотыкам
Даўно ўбачаны
Жаданы колер –
Вобраз
Чароўнай ружы
Ціхае – юбілейнае
Я. Ч.
Ужо сорак гадоў
У нябыце канае,
А я з пацерак слоў
Думкі складаю.
Здзіўленне і жах
Агарнулі на момант,
Такі доўгі шлях –
А пачатак бы ўчора.
У тым падарожжы
Па жыццёвым моры
Шмат было гора,
Дый радасці божай.
Не знікла надзея,
Сумлення не страціў,
А ў што быў паверыў,
Пачне вось збывацца.
Таемны агеньчык –
Кветкаю першай.
Спеў ранняга пеўня –
Прысніліся вершы.
Публікуецца на сайце з ласкавай
згоды Беларускага Літаратурнага Аб'яднаньня "Белавежа"
|
Польскі аўкцыён
