|
 «Эміграцыя — гэта сьмерць...» (Л. Троцкі)
...Але калі эміграцыя — гэта сьмерць, то і сьмерць — гэта эміграцыя (альбо вяртаньне з эміграцыі дахаты — гэта ўжо як каму падабаецца).
За гэта, між іншым, можна і выпіць — дзеля таго сярод катафалькаў прытуліўся «Буфэт фуршэтны з мэханічным прыводам».
Summary. Цяпер вы разумееце, чаму мы прысьвяцілі першы нумар нашага часопісу такой, здавалася б, дастаткова прыватнай тэме, як эміграцыя, і чаму гэты нумар павінны стаць настольнай кнігай кожнага сьмяротнага.
P. S. Тут, дарэчы, прыгадваюцца таксама аб’явы ў расейскіх газэтах: «Пераношу магілы з краін СНД у далёкае й блізкае замежжа». Кажуць, што падобныя паслугі карыстаюцца пэўным попытам — некаторыя з тых, каго лёс закідвае на чужыну, шкадуюць і сумуюць толькі па адным — па родных магілках. Дык чаму ж за разумную плату не перанесьці іх у межы дасягальнасьці?
Яшчэ крыху — і можна будзе казаць пра новую хвалю эміграцыі...
|
Польскі аўкцыён
