|
 Пра
“Кансьпіратар Беларускі”
Першы нацыянальны дапаможнік па арганізацыі грамадска-палітычнай барацьбы ў падпольных варунках. “Кансьпіратар Беларускі” на 120 старонках распавядае, як эфэктыўна дзейнічаць свабоднаму чалавеку ў таталітарным грамадзтве.
Выданьне адрасаванае актывістам дэмакратычнага супраціву, сябрам нелегальных арганізацыяў і рухаў. Укладальнікі працягваюць традыцыю, закладзеную польскім “Малым кансьпіратарам”, які 25 гадаў таму дапамагаў актывістам “Салідарнасьці” разумна змагацца з дыктатурай. “Кансьпіратар Беларускі” зьмешчае вытрымкі з “Малога”, аднак асноўная частка тэксту напісаная з улікам сучаснай беларускай практыкі.
Сярод іншага, кніга дае практычныя рэкамэндацыі да наладжваньня інфармацыйнай працы, абароне носьбітаў інфармацыі і сродкаў камунікацыі. Распавядаецца пра выкарыстаньне даступных паспалітаму чалавеку шыфравальных і маскавальных прыстасаваньняў, прынцыпы вырабу, захаваньня і распаўсюду друкаванай прадукцыі, асновы вядзеньня электроннай перапіскі і выкарыстаньня тэлефонаў ва ўмовах татальнага сачэньня і перасьледу. Даюцца парады, як мінімізаваць наступствы канфіскацыі носьбітаў інфармацыі і кампутарнага абсталяваньня.
Асобная ўвага надаецца пытаньням наладжваньня бясьпекі ў памяшканьнях нелегальных арганізацыяў. Выкладзеныя падставовыя правілы паводзінаў падчас ператрусаў, допытаў, затрыманьняў і іншых сьледчых дзеяньняў. Даюцца парады, як не зрабіцца ахвярай брудных правакацыяў з боку спэцслужбаў, такіх як падкідваньня зброі, фальшывых грошаў альбо наркотыкаў.
Аўтары-ўкладальнікі брашуры падпісаліся псэўданімамі Фокс Малдэр, Дана Скалі, Агент Сьміт. У прадмове Яны вітаюць як мага шырэйшы распаўсюд "Кансьпіратара". Выданьне напісанае клясычным беларускім правапісам.
Замовіць бясплатную копію магчыма праз электронны адрас zamova_biaspeka @ yahoo.com паводле
http://pahonia.promedia.by
|
Польскі аўкцыён
