|
I ў белы дзень i ў чоpну ноч
Я ўсцяж раблю агледзiны,
Цi гэты скарб не збрыў дзе проч,
Цi трутнем ён не з'едзены
.
Янка Купала
Паэтычны габелен
Прадмова О, габелен Усясвету! – cвята несупыннага перакрыжавання ва ўсiх напрамках i вымярэннях шматкаляровых увасобленых i неўвасобленых нiтак-iдэй, з якiх саматчэцца свядомасць а з яе – мастацтва, паэзiя! Чалавек адначасова як карунак, варштат i спосаб знiтавання жыве дзеля таго, каб выбiраць i таму, што здольны выбiраць пэўныя з гэтых нiтоў, у тым лiку i ўлюбёныя вершы. Каб гэтак жа па-мастацку ткаць габелен свайго жыцця. Выбар з мiнуўшчыны тчэ сучаснасць i з яе – будучыню. Але творам мастацтва шанцуе, бо лепшыя з iх – непадуладныя часу i межам. Верш – не машына, якую да непазнавальнасцi ўдасканальваюць канструктары-паслядоўнiкi. Ён ствараецца адным i аднойчы i можа быць генiяльным адразу i назаўжды.
Гэта кнiга – мае агледзiны набыткаў беларускай паэзii перыяду 1980 – 1995 гадоў, выбар па адным вершы ад паэта i знiтаванне iх у паэтычны габелен, згодна з крытэрыем высокай мастацкай вартасцi. Жыхары шматмернай прасторы лёсаў, здольнасцяў, густу, мы, кожны са свайго гледзiшча, бачым свет па-свойму. Адгэтуль i наша стваральная разнастайнасць. Але ў кожным з нас ёсць патаемныя вобразы прыгажосцi, гатовыя суладна загучаць. Будзем жа спадзявацца, што iх пачуюць! Алесь Бакач
Публікуецца
на сайце з ласкавай згоды Укладальніка
кнігі
|
Польскі аўкцыён
